dueil

Dueil, monosyll. Qu'on debvroit escrire Doeul, ou deul, ainsi qu'on fait Soeur, et Coeur, venans de Soror, et Cor, Car il vient aussi du Latin, Dolor. et seroit ostée l'amphibologie d'avec Dueil, nom d'un village pres Sainct Denys en France, qui est de la Duché de Montmorency, et soit-il nom substantif, signifiant lamentation avec pleur et gemissement, que l'Espagnol dit aussi, Duelo, et l'Italien Duolo. Comploratus, Luctus suspiriosus. Soit-il verbe du Latin, Doleo. (Dont vient Doleance) pour plainte de grief fait: Querimonia. Que l'Espagnol dit aussi Duelo, et l'Italien un peu plus esloingnément, Dolgo, et Doglio. Dueil signifie aussi l'habit noir qu'on porte pour un trespassé, selon ce on dit, Il porte le dueil, Il est vestu de dueil, Funebri amictu indutus est. Dueil en outre signifie la personne ou personnes vestus de dueil, qui vont suivant le corps du trespassé en un convoy. Selon ce on dit, voilà le dueil, ou le dueil passe, Procedunt qui lugubri veste amicti funus prosequuntur.

Robbe, chapperon et habit de dueil, Lugubris ornatus.

Ceinture de dueil, est appelée une large bande de peinture noire, le long du traict de laquelle sont par endroicts peintes les armoiries du seigneur trespassé, dont le corps git en l'Eglise ou chappelle, enceinte par dedans, ou par dehors de laditte bande, qui partant est appelée Ceinture, qui est un honneur funebre, qu'on attribue aux seigneurs des lieux, ausquels lesdittes Eglises ou chappelles sont assises quand ils sont decedez. Vitta lugubris, Vittatum sacellum, Monumenti ambitus vittatus.

Laisser sa robbe de dueil, Ad vestitum suum redire. B. ex Cic. Vestem lugubrem deponere.

Chant de dueil, Cantus flebilis, Lugubris.

Faire dueil, c'est mener dueil, Lugere, Luctum agere. au 3. livre d'Amadis chap. 5. commença à pleurer si profondément que maints en eurent grande compassion et vindrent dire au Roy le dueil qu'il faisoit.

Porter le dueil, Lugubri vestitu incedere.

Mener dueil en son coeur, Moerere.

Mettre en dueil, Afficere luctu.

Portant dueil, Atratus.

Qui porte le dueil, Lugubris familia. B. ex Liuio.

Achever son dueil, Elugere.

Plein de dueil, Luctuosus.

Thresor de la langue françoyse. Jean Nicot.